ሚኪኤለ መጎስ

2 hrs

====ጸምዪኪ'ዶ?====
ጸምዪኪ'ዶ ኣደይ ሓላል
ዘይትበርስ ኦም ናይ ገዛና ጽላል
ጸምዪኪ'ዶ የእዛንኪ ምስሓረሞ ናይ ደቅኺ ወኻዕኻዕታ ዕላል
ደበና ምፍልላይ ምስኣንጠጠዮ ዝባንኪ ኣደይ ሓላል
____________________
ጸምዪኪ'ዶ ብድሕሬና
ክንዮ ማዕዶ ምስ ገሽና
ካብ ጽላሎትኪ ኣርሒቕና
ማሙቕ ቤትና ራሕሪሕና
___________________
ከምዚ'ልኪ ትናፍቒ ኢልና ዘይሓሰብናሉ ደቅኺ
ጠንጢናዮ ወጺና ማሙቕ ሕቕፌኺ
ክንደይ'ሞ ከይጥዕመና ተፈሊና ካባኺ
መቐረት የብሉን ህይወት ብዘይብኣኺ
__________________
ለዋህ ኣደ መሰረት መፈጠርና
ድምቕቲ ጸሓይ ዘየቋርጽ ብርሃና
ኣደ ፍቕሪ ዘይብልኪ መዘና
በጃ ደቃ ነባዪትና
___________________
ናፊቕኪ'ዶ ንበይንኺ ገዲፍናኪ
ዓዲ ጓና ሰፊርና ደቅኺ
ትናፍቒ'ወ ሓደ'ኳ ንጨና ዘይብልኪ
ወላድ መዃን ኮንኪ ከምዘይወለድኪ
__________________
ኣደይ ኣይትሓዝልና
ዘይከም በደልና
ካባኺ ምፍላይ'ሞ ክንደይ ከይጥዕመና
ፍጹም የለን ከቶ ልዕሊ ማሙቕ ቤትና
__________________
ባዕሉ ደኣ ፈጣሪ ኣኻኽቦ ይፍጠረልና
ግዜ ይነውሕ እምበር ክንራኸብ'ና
ኣብ ሓደ መኣዲ ተኣኻኺብና
ከምዝነበሮ ክምለስ'ዩ ሰሓቕ ጸወታና
ሚኪኤለ-መጎስ
ጥሪ-7-2020
www.michotv.com
ኣዱኡ ዝናፍቕ ሸር ምግባር ኣይትሕመቑ